ABŞ İranın İnformasiya və Təhlükəsizlik Nazirliyinə qarşı sanksiyalar tətbiq edib

Ətraflı

Bölüm: Özəl

Nəşr olunub: 17.02.2012 10:39

Baxış sayı: 182

ABŞ Maliyyə Nazirliyi İranın İnformasiya və Təhlükəsizlik Nazirliyini (İTN) terroru dəstəkləməkdə, insan hüquqlarını pozmaqda və Suriya hakimiyyətinə yardım etməkdə günahlandıraraq bu quruma qarşı sanksiyalar tətbiq edəcəyini bildirib. Beləki, ABŞ Maliyyə nazirinin terror və maliyyə informasiyası üzrə müavini Devid Kuhan bununla bağlı bəyanat yayaraq İTN-i vətəndaşların hüquqlarını pozmaqda və Suriya müxaliflərinin aksiyalarını yatırtmaq üçün bu bu ölkəyə yardım etməkdə ittiham edib. Kuhan bildirib ki, İranın “Əl-Qaidə” təşkilatına, bu təşkilatın İraqda fəaliyət göstərən qoluna, “Hizbullah” və “HƏMAS”a dəstək verməsi bu ölkənin terroru dəstəkləmə siyasətini göstərir.

Elan edilən yeni sanksiyalara görə, İTN əməkdaşlarının ABŞ-a səfər etməsi yasaqlanır və bu qurumun bütün hesabları dondurulur. Həmçinin, ABŞ şirkətləri və vətəndaşlarının bu qurumla hər növ alış-verişlərinə qadağa qoyulur.

Qeyd edək ki, ABŞ bundan əvvəl İranın İslam İnqilabını Mühafizəçiləri Korpusunun “Əl-Qüds” qərargahına, Nizam-İntizam Qüvvələrinə və bir sıra yüksək rütbəli hərbiçi və siyasi xadimlərinə sanksiya tətbiq etmişdir. Bundan əlavə, ABŞ İranın neft sənayesinə, mərkəzi və bir sıra digər banklarına, eləcə də bir çox dövlət və rəsmilərə yaxın şirkətlərinə də sanksiyalar tətbiq etmişdir. AB, Kanada və Avstraliya da İrana qarşı birtərəfli sanksiyalar tətbiq edib. Bu sanksiyalar nəticəsində İranda valyutaların qiyməti rekord səviyyəsində artıb və bu ölkə xarici tərəfdaşalrı ilə normal ticarət əlaqələri yaratmaqda ciddi çətinliklərlə qarşılaşır.

• < Geri
• İrəli >