Laricanidən ərəb ölkələrinə xəbərdarlıq

Ətraflı

Bölüm: Özəl

Nəşr olunub: 13.02.2012 16:04

Baxış sayı: 187

İran parlamentinin spikeri Əli Laricani bildirib ki, bundan sonra İran heç bir region ölkəsinə güzəştə getməyəcəkdir. “Mehr” Xəbər Agentliyinin məlumatına görə, Laricani İran inqilabının ildönümü münasibətilə təşkil olunmuş tədbirdəki çıxışında region ölkələrinin İran–İraq müharibəsi zamanı İran əleyhinə Səddam hakimiyyətinə yardım etməsinə işarə edərək rəsmi Tehranın bir daha belə əməkdaşlığa sakit yanaşmayacağı barədə xəbərdarlıq etmişdir. Laricanı əlavə edib ki, “İran bütün region ölkələri ilə normal keçinməyə hazırdı, lakin onlarla münasibətlərdə sadəlövh deyildir. Bu səbəbdən bütün region ölkələrinə ABŞ-ın gülümsəmələrinə aldanmamağı tövsiyə edirik”.

Qeyd edək ki, Laricaninin bu xəbərdarlığı əsassız deyil. Son zamanlar Səudiyyə Ərəbistanı, BƏƏ və bir sıra başqa ərəb ölkələri ABŞ və Qərb ölkələrinin İrana qarşı təzyiqlərinə dəstək verərək İİR-in nüvə proqramından narahatlıqlarını ifadə ediblər. Laricani bü ölkələrin adını çəkmədən bildirib ki, “İrana qarşı ABŞ-ı dəstəkləyən ölkələr yanmış ərazilər axtarmaqdan vazkeçsinlər. Bizim xalqa qarşı hər hansı bir müdaxilə baş versə, onun fəsadları bütün regionu bürüyəcəkdir”. Laricaninin bu xəbərdarlığı İran hakimiyyətinin getdikcə Qərblə gərginləşən münasibətləri fonunda  bölgə ölkələrinin  bu siyasətə dəstəyindən narahatçılığın ifadəsidir. 

• < Geri
• İrəli >